الطاف آگرو
الطاف آگرو
الطاف آگرو: ادب دوست، سماجي ۽ ادبي ڪارڪن، الطاف آگري جو مڪمل نالو الطاف حسين ولد روشن ضمير آگرو آهي. هن 28 جنوري 1960ع تي ڳوٺ محمد خان آگري، تعلقي ڪنڊياري، ضلعي نوابشاهه (نوشهري فيروز) ۾ جنم ورتو. پرائمري ۽ ثانوي تعليم مڪمل ڪرڻ کانپوءِ، ڊپلوما آف ائسوسيئيٽ انجنيئرنگ جو امتحان پاس ڪري هن وقت سول انجنيئر طور خدمتون سرانجام ڏئي رهيو آهي.
الطاف آگرو، نامور ليکڪ ۽ اديب غلام رباني آگري جو سؤٽ آهي. ننڍپڻ کان وٺي سندس صحبت ۽ ادبي ماحول ۾ رهيو، ان ڪري هن ۾ لکڻ پڙهڻ جو شوق پيدا ٿيو. ڪيترائي مضمون ۽ ليک لکي چڪو آهي. سندس مضمون، ڪهاڻيون ۽ ڪالم مختلف اخبارن ۽ رسالن ۾ ڇپجي چڪا آهن. خاص طرح ٽه ماهي ’مهراڻ‘ ۽ ’عبرت‘ اخبار ۾ سندس ڪالم ’ڳالهه آهي زماني جِي‘ جي سري هيٺ شايع ٿيندو رهيو آهي.
هن غلام رباني آگري جا هيٺيان ڪتاب ترتيب ڏئي ڇپرايا آهن. (1) آب حيات (ڪهاڻي- ڪليات)، 2011ع، (2) سنڌي ڪلچر، 2010ع، (3) هنگلاج ۾ چانهه (سفر نامو)، 2012ع ۽ (4) ٿيا قلب قرار (مضمون، مقالا، يادگيريون، ترجما، تقريرون ۽ خاڪا)، 2013ع. الطاف آگرو هن وقت سنڌ يونيورسٽي ڪوآپريٽو هائوسنگ سوسائٽي، ڄامشوري ۾ رهائش پذير آهي.
لفظ الطاف آگروھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1960.01.28 عيسوي
ادب دوست، سماجي ۽ ادبي ڪارڪن، الطاف آگري جو مڪمل نالو الطاف حسين ولد روشن ضمير آگرو آهي. هن 28 جنوري 1960ع تي ڳوٺ محمد خان آگري، تعلقي ڪنڊياري، ضلعي نوابشاهه (نوشهري فيروز) ۾ جنم ورتو.
شخصيتون - ڀاڱي جون ٻِيون داخلائون
الحاج سيد حاجي عبدالرحيم شاههالف شاهه شهيد ۽ مست علي شاهه
رضوي سيد محمد شريف
دارا شاهه 1
دلير رند سخي
اسماعيل چانڊيو
جمال خاتون بيبي سيوستاني
نوشين شيخ
بيگم ممتاز راشدي
حامد علي مرزا جسٽس